KOMBE LA DUNIA-NUSU FAINALI: BRAZIL v GERMANY TATHMINI NA RATIBA KWA SAA ZA KIBONGO

Wengi wanadai Wenyeji Brazil wamesuasua hadi kufikia Nusu Fainali ya Kombe la Dunia ambapo Jumanne Usiku watawavaa Germany huko Estadio Mineirão, Belo Horizonte lakini pia hata hiyo Germany, huko Brazil, nayo inasemwa imefanya vyema kwa vipindi tu.

 

PATA TATHMINI/DONDOO/VIKOSI VYA MTANANGE HUU:

BRAZIL v GERMANY

-Jumanne Julai 8, Saa 5 Usiku, Bongo Taimu

Hii itakuwa ni mara ya pili tu kwa Brazil na Germany kukutana kwenye Kombe la Dunia wakati watakapocheza Nusu Fainali huko Estadio Mineirão Mjini Belo Horizonte Nchini Brazil.

Mara pekee waliyokutana ni Mwaka 2002 kwenye Fainali ya Kombe la Dunia huko Yokohama, Japan na Brazil kushinda Bao 2-0, kwa Bao za Ronaldo, na kutwaa Kombe la Dunia kwa mara ya 5, hiyo ikiwa mara yao ya mwisho na wakati huo Kocha wao ni huyu huyu wa sasa Luiz Felipe Scolari.

Brazil

Kwenye Fainali hizi, Brazil walianza pole pole lakini katika Robo Fainali, walipocheza na Colombia, kwa muda mwingi walionyesha ufundi, bidii, nguvu na ari ya kusaka ushindi kwa kila hali.

Lakini Mechi hiyo ilizaa pigo kubwa kwao baada kuumia kwa Nyota wao Neymar, na, bila shaka, Kocha Luiz Felipe Scolari, kwa kumkosa Neymar na pia Nahodha wao Thiago Silva kutokana na kufungiwa Mechi moja, ameshapata mbinu za kuziba mapengo yao.

Ingawa Wachambuzi wengi wanadai Brazil hii si maridhawa lakini kila hatua waliyopiga kufikia Nusu Fainali ni kuwajengea hisia zaidi na kuwapa imani kubwa kwamba hii ni hatima yao kutwaa Kombe la Dunia Nyumbani kwao wenyewe baada ya kukosa kufanya hivyo kwenye Fainali za Mwaka 1950 walipofungwa 2-1 na Uruguay Uwanjani kwao wenyewe Maracana, Rio de Janeiro.

Brazil walianza kampeni yao kwa kuifunga Croatia, kutoka Sare na Mexico, kuitwanga Cameroon 4-1 lakini walihitaji Mikwaju ya Penati kuibwaga Chile kwenye Raundi ya Pili.

Katika Robo Fainali, dhidi ya Colombia, Brazil ndio walionyesha dalili za kuwa ni Timu imara huku Washabiki wao wakidhihirisha wataleta mchango mkubwa wa kuwahamasisha mno kwenye Mechi yao ya Nusu Fainali.

                                     ++++++++++++++++++++++

DONDOO MUHIMU:

-Brazil wametinga Fainali mara zao zote 6 walizofika Nusu Fainali.

-Germany ni Nchi ya kwanza kufika Nusu Fainali mara 4 mfululizo.

++++++++++++++++++++++

Ujerumani

Kama kawaida yao, ni ile ile mashine halisi ya Kijerumani ambayo Siku zote huleta matokeo kwa uhodari wao wa kupigania kila Mpira tangu mwanzo hadi mwisho.

Hata hivyo, Kocha Joachim Low anayo kazi ya kuhakikisha Difensi yao inaacha kutoa mianya hasa kwa mtindo wao hatari wa kupanda juu karibu ya mstari wa kati ambapo wakipitwa Kipa wao Manuel Neuer hulazimika kucheza staili ya ‘Kipa Beki Mfagiaji!’

Kikosi cha Low kinaundwa na Wachezaji wengi kutoka Bayern Munich na hilo limeleta uimara mkubwa kwa Timu kucheza kitimu zaidi.

Kwenye Benchi lao wanae Straika mkongwe Miroslav Klose ambae aliingizwa kuiokoa Germany walipokuwa nyuma kwa Bao 2-1 walipocheza na Ghana hatua ya Makundi na kufunga Bao la kusawazisha lililomfanya aifikie Rekodi ya Ronaldo wa Brazil ya kufunga Jumla ya Bao 15 kwenye Fainali za Kombe la Dunia.

Uso kwa Uso

-Mechi 21: Brazil wameshinda Mechi 12, Germany 4, Sare 5

Mechi za hivi karibuni:

-10 Agosti 2011: Germany 3-2 Brazil- Kirafiki, Mercedes-Benz Arena

-25 Juni 2005: Germany 2-3 Brazil- Fifa Kombe la Mabara Nusu Fainali, Frankenstadion, Nuremberg

-7 Sep 2004: Germany 1-1 Brazil- Kirafiki, Berlin

-30 Juni 2002: Brazil 2-0 Germany- 2002 Fainali Kombe la Dunia, International Stadium, Yokohama

-24 Julai 1999: Brazil 4-0 Germany- Kombe la Mabara Makundi, Estadio Jalisco, Guadalajara

VIKOSI VINATARAJIWA:

KOMBE LA DUNIA

RATIBA

**Saa za Bongo

NUSU FAINALI JUMANNE, JULAI 8, 2014
SAA	MECHI	KUNDI	UWANJA
2300	Germany v Brazil [61]	NUSU FAINALI	Estadio Mineirão, Belo Horizonte