ROBO FAINALI KOMBE LA DUNIA: CLICK HAPA KWA UCHAMBUZI WA KILA MECHI NA RATIBA.

Nahodha wa Uholanzi Robin van Persie, akiwa mazoezini.

ROBO FAINALI za Kombe la Dunia zitachezwa Ijumaa na Jumamosi huko Brazil na Timu 8 zinasaka nafasi 4 za kuingia Nusu Fainali.

Wapo Wenyaji Brazil, ambao ni Mabingwa wa Dunia mara 5, wapo Mabingwa wengine wa zamani France, Germany na Argentina lakini pia zipo timu ambazo hazijawahi kutwaa Kombe hili ambazo ni Colombia, Belgium, Netherlands na Costa Rica.

JE NI TIMU ZIPI 4 ZITASONGA NUSU FAINALI?

PATA TATHMINI/DONDOO FUPI:

+++++++++++++++++++++++++

KOMBE LA DUNIA

ROBO FAINALI

Ijumaa Juni 4

1900 France v Germany

2300 Brazil v Colombia

Jumamosi Juni 5

1900 Argentina v Belgium

2300 Netherlands v Costa Rica

+++++++++++++++++++++++++

FRANCE v GERMANY

Hili ni pambano murua la Vigogo wa Ulaya waliowahi kutwaa Kombe la Dunia.

Kwenye Fainali hizi huko Brazil, France wameng’ara na kutandika Bao kibao wakati Germany wameonyesha kudorora na walipata shida kubwa kuitoa Algeria Raundi iliyopita wakionyesha Soka lisilotulia hasa kwenye ushambuliaji.

Gotze, Ozil na Muller Siku zote huwa hatari wakipewa nafasi kwenye maeneo ya kushambulia lakini huko Brazil wameonyesha kupata taabu sana kuzipenya Difensi zilizojilundika.

Lakini dhidi ya Algeria, alipoingizwa Schurle badala ya Gotze aliepwaya, Germany walionekana kupata kasi na kuwa hatari mno.

Hata hivyo, tatizo kubwa la Germany ni Difensi yao ambayo hukaba kwa kusogea mbele na kukaribia mstari wa kati na hilo husababisha kupenywa na mara nyingi Kipa wao huwaokoa kwa kucheza kama ‘Beki Mfagiaji’.

Kwenye Mechi hii, wanakutana na France ambayo ni hatari katika kushambulia na tayari wana Goli 10 katika Mechi 4 za Mashindano haya.

Walipocheza na Nigeria na kumwingiza Griezmann na Benzema kusogea na kucheza kama Straika wa kati walionekana kuwa hatari mno.

Wakicheza hivyo, na hasa wakiwaanzisha Griezmann na Valbuena, basi Difensi ya Germany itapata shida sana.

VIKOSI VINATARAJIWA:

France: Lloris; Debuchy, Koscielny,Varane, Evra; Sissoko, Valbuena, Matuidi, Pogba; Griezmann, Benzema

Germany: Neuer; Höwedes, Hummels, Mertesacker, Boateng; Schweinsteiger, Lahm, Kroos; Götze, Özil, Müller

BRAZIL v COLOMBIA

Hii ni Mechi baina ya Nchi za Bara la Marekani ya Kusini na inawakutanisha Wenyeji Brazil , ambao ni ni Mabingwa wa Dunia mara 5, na Colombia ambayo safari hii ni Timu inayong’ara mno huku Straika wao James Rodriguez akimeremeta na kuongoza kwa ufungaji Mabao akiwa na Bao 5.

Kwenye Mashindano haya Brazil wameshindwa kuzitawala baadhi ya Mechi zao kama ilivyotarajiwa na wamekabiliana na upinzani mkali mno.

Brazil wameonyesha wazi kumtegemea mno Neymar huku wakikosa Sentafowadi mkali kwenye umaliziaji na mwenye uchu wa kufunga kwani Fred, na hata akiingizwa Jo kumbadili, ubutu na udhaifu wa kufunga ulikuwa ukionekana dhahiri.

Lakini tofauti na matarajio, Difensi ya Brazil imesimama imara kuliko mashambulizi yao na wanapaswa kubadili mfumo wao wakicheza na Colombia ambayo imeonyesha Soka safi kupita Timu nyingi.

Hili ni pambano la kuvutia na, ingawa baadhi ya Wachambuzi wanaipa matumaini Colombia hasa kwa Soka lao na ukali wa James Rodriguez kwa kucheka na nyavu, lakini itakuwa ni ujinga wa hali ya juu kuipuuza Brazil ambao ni Wenyeji na pia umwamba wao Duniani si kitu kigeni.

VIKOSI VINATARAJIWA:

Brazil: Cesar; Alves, Silva, Luiz, Marcelo; Fernandinho, Paulinho; Willian, Oscar, Neymar; Fred

Colombia: Ospina; Zuniga, Zapata, Yepes, Armero; Aguilar, Sanchez; Cuadrado, James Rodriguez, Ibarbo; Gutierrez

ARGENTINA v BELGIUM

Huu ni mtanange.

Argentina, kama walivyo jirani zao Brazil, ndio wanapewa nafasi kubwa kubeba Kombe la Dunia lakini hadi sasa uchezaji wao umekuwa chini ya kiwango.

Ingawa Lionel Messi amekuwa akipachika Magoli, uchezaji wake umekuwa chini na hadi sasa hawajakutana na Timu kali hasa.

Dhidi ya Timu dhaifu, Iran na Bosnia, Messi amekuwa akikabwa na kunyimwa nafasi na hilo kumvunja moyo na uchezaji wake kudidimia kiasi.

Argentina na Belgium itakutanisha Timu yenye vipaji dhidi ya Timu yenye uwezo mkubwa kiufundi na hili itaifanya Mechi iwe ngumu mno hasa kwa vile Belgium ina Wachezaji wenye miguvu.

Kwenye Difensi Belgium wako imara lakini wana udhaifu wa kushindwa kudhibiti mashambulizi ya kustukiza na ya haraka wakati Argentina wana udhaifu mkubwa kwenye ngome yao na wanamtegemea mno Mascherano kupokonya Mipira toka kwa Wapinzani.

VIKOSI VINATARAJIWA:

Argentina: Romero, Zabaleta, Fernandez, Garay, Rodriguez, Mascherano, Di Maria, Gago, Messi, Higuain, Lavezzi

Belgium: T. Courtois, Alderweireld, Van Buyten, Kompany, Vermaelen, Witsel, Fellaini, Mertens, De Bruyne, Hazard, Origi

NETHERLANDS v COSTA RICA

Wengi hawakutegemea Costa Rica kufikia hatua hii na Mechi hii itakutanisha Mastraika hatari dhidi ya Difensi imara.

Netherlands, wakiongozwa kwenye mashambulizi na Arjen Robben, Robin van Persie na Wesley Sneijder, wamepachika Bao 12 katika Mechi 4 za Fainali hizi.

Lakini Costa Rica, kwenye Mechi 4 huko Brazil, wamefungwa Bao 2 tu licha ya kuzivaa Timu kali zikiwemo England, Italy na Uruguay.

Licha ya kuwa na Difensi imara, Costa Rica pia ina Wachezaji wazuri kwenye mashambulizi ambao ni Joel Campbell, Mchezaji wa Arsenal, na Bryan Ruiz, na hawa wakiachiwa tu ni wepesi kufunga.

Kocha wa Netherlands, Louis van Gaal, alionyesha umahiri wake kwa kubadili mbinu Uwanjani wakati wa Mechi kwani kwenye Raundi iliyopita, huku wakiwa nyuma Bao 1-0 na Mexico, alimtoa Nahodha wake Robin van Persie na kumwingiza Jan Klaas Huntelaar ambae ndie aliewafungia Bao la Pili na la ushindi kwa Penati ya Dakika ya 94 baada ya Sneijder kuwasawazishia katika Dakika ya 88.

VIKOSI VINATARAJIWA:

Netherlands: Cillessen, Verhaegh, Kuyt, Vlaar, De Vrij, Janmaat, Blind, Wijnaldum, Sneijder, Van Persie, Robben

Costa Rica: Navas, Gamboa, Umana, Gonzalez, Miller, Diaz, Tejeda, Borges, Ruiz, Campbell, Bolanos

KOMBE LA DUNIA

RATIBA

**Saa za Bongo

ROBO FAINALI IJUMAA, JULAI 4, 2014
SAA	MECHI	KUNDI	UWANJA
1900	France v Germany [57]	ROBO FAINALI	Estadio do Maracanã, Rio de Janeiro
2300	Brazil v Colombia [58]	ROBO FAINALI	Estadio Castelão, Fortaleza
JUMAMOSI, JULAI 5, 2014
SAA	MECHI	KUNDI	UWANJA
1900	Argentina v Belgium [59]	ROBO FAINALI	Nacional, Brasilia
2300	Netherlands v Costa Rica [60]	ROBO FAINALI	Arena Fonte Nova, Savador
NUSU FAINALI JUMANNE, JULAI 8, 2014
SAA	MECHI	KUNDI	UWANJA
2300	Mshindi 57 v Mshindi 58 [61]	NUSU FAINALI	Estadio Mineirão, Belo Horizonte
JUMATANO, JULAI 9, 2014
SAA	MECHI	KUNDI	UWANJA
2300	Mshindi 59 Mshindi 60 [62]	NUSU FAINALI	Arena Corinthians, Sao Paulo
MSHINDI WA TATU JUMAMOSI, JULAI 12, 2014
SAA	MECHI	KUNDI	UWANJA
2300	Aliefungwa 61 v Aliefungwa 62	MSHINDI WA 3	Nacional, Brasilia
FAINALI JUMAPILI, JULAI 13, 2014
SAA	MECHI	KUNDI	UWANJA
2200	Mshindi Mechi 61 v Mshindi Mechi 62	FAINALI	Estadio do Maracanã, Rio de Janeiro