ROBO FAINALI KOMBE LA DUNIA:TATHMINI YA MTIKISIKO WA BRAZIL VS COLOMBIA.

Brazil wanatinga kwenye Robo Fainali wakitokea kwenye Mechi ngumu waliyokwenda Sare 1-1 na Chile katika Dakika 90, ikabaki 1-1 baada Dakika 120 na hatimae kushinda kwa Penati 3-2 huku Supastaa wao Neymar akimaliza Gemu hii akiwa na maumivu kibao.

Kwenye Mechi na Colombia Brazil watamkosa Kiungo Mkabaji wao Luiz Gustavo ambae yupo Kifungoni Mechi 1 kwa kuzoa Kadi za Njano mbili.

Colombia wanatinga kwenye Mechi hii wakitoka kuinyuka Uruguay Bao 2-0, Bao zote zikifungwa na Chipukizi wao wa Miaka 22, James Rodriguez, anaechezea AS Monaco huko France na ambae ndie anaongoza kwa Mabao kwenye Fainali hizi za Kombe la Dunia akiwa na Bao 5.

Kwenye Mashindano haya Brazil wameshindwa kuzitawala baadhi ya Mechi zao kama ilivyotarajiwa na wamekabiliana na upinzani mkali mno.

Brazil wameonyesha wazi kumtegemea mno Neymar huku wakikosa Sentafowadi mkali kwenye umaliziaji na mwenye uchu wa kufunga kwani Fred, na hata akiingizwa Jo kumbadili, ubutu na udhaifu wa kufunga ulikuwa ukionekana dhahiri.

Lakini tofauti na matarajio, Difensi ya Brazil imesimama imara kuliko mashambulizi yao na wanapaswa kubadili mfumo wao wakicheza na Colombia ambayo imeonyesha Soka safi kupita Timu nyingi.

Hili ni pambano la kuvutia na, ingawa baadhi ya Wachambuzi wanaipa matumaini Colombia hasa kwa Soka lao na ukali wa James Rodriguez kwa kucheka na nyavu, lakini itakuwa ni ujinga wa hali ya juu kuipuuza Brazil ambao ni Wenyeji na pia umwamba wao Duniani si kitu kigeni.

Uso kwa Uso

Timu hizi zimekutana mara 25 na Brazil kushinda mara 15 Colombia 2 na Sare 8.

VIKOSI VINATARAJIWA:

Brazil: Cesar, Marcelo, Silva, Alves, Luiz, Paulinho, Fernandinho, Hulk, Neymar, Fred, Willian.

Colombia: Ospina; Armero, Yepes, Zapata, Zunjiga; Guarin, Sanchez, Vargas, Martinez, Rodriguez; Teofilo.

REFA: Carlos Velasco [Spain]

 

RATIBA

**Saa za Bongo

ROBO FAINALI IJUMAA, JULAI 4, 2014
SAA	MECHI	KUNDI	UWANJA
2300	Brazil v Colombia [58]	ROBO FAINALI	Estadio Castelão, Fortaleza