HUYU NDIYE KIPA WA AFRIKA KUSINI ALIYEUAWA KWA RISASI

Nahodha ambaye pia ni golikipa wa timu ya soka ya taifa la Afrika kusini Senzo Meyiwa amefariki dunia baada ya kupigwa risasi. Jeshi la polisi la nchi hiyo limesema.

Tukio hilo limeripotiwa kutokea katika nyumba ya mpenzi wake iliyopo katika mji wa Vosloorus kusini mwa Johannesburg.

Mchezaji huyo mwenye umri wa miaka 27 aliichezea klabu ya Orlando Pirates na alicheza mechi nne zilizopita za timu yake ya taifa katika mechi za kufuzu za fainali ya mataifa ya Afrika.

Jumamosi alikuwepo katika tukio la timu yake pindi waliposonga mbele katika nusu fainali ya ligi ya Afrika kusini.

Katika maelezo yake Jeshi la polisi la afrika kusini limesema kwamba Meyiwa ameripotiwa kufariki wakati akiwasili hospitalini.

Mashirikisho la Soka la Kimataifa (Fifa) na lile la Africa (Caf) yametuma salamu la rambirambi kutokana na kifo cha nahodha wa Afrika Kusini, Bafana Bafana Senzo Mayiwa.

Fifa wametuma salamu hizo kupitia rais wake, Sepp Blatter na Caf wamefanya hivyo kupitia bosi wao mkubwa, Issa Hayatou.